მომავლის პროგნოზი

მომავლის პროგნოზია (Forward Guidance) როდესაც ცენტრალური ბანკი საჯაროდ აცხადებს, თუ რას აპირებს მომავალში საპროცენტო განაკვეთებთან დაკავშირებით. განაკვეთების უეცარი შეცვლის ნაცვლად, ისინი წინასწარ ეუბნებიან ხალხს: ჩვენ ვგეგმავთ საპროცენტო განაკვეთების დაბალ დონეზე შენარჩუნებას მომდევნო ორი წლის განმავლობაში.

ვნახოთ რა გავლენას ახდენს ეს ეკონომიკურ ქცევაზე. წარმოიდგინეთ, რომ თქვენი მშობლები სექტემბერში გეუბნებიან, რომ თქვენი ყოველი თვის დასახარჯი ფული იგივე დარჩება მომავალ ზაფხულამდე. ახლა შეგიძლიათ უკეთ გადაანაწილოთ თქვენი ფული. შესაძლოა დაზოგოთ იმ ძვირადღირებული თამაშისთვის, რადგან ზუსტად იცით, რამდენი ფული გექნებათ ყოველთვიურად.

იგივე ხდება ეკონომიკაში. ბიზნესები უკეთეს გადაწყვეტილებებს იღებენ. თუ კომპანიამ იცის, რომ საპროცენტო განაკვეთები ორი წლის განმავლობაში დაბალი დარჩება, მათ შეიძლება ახლავე აიღონ სესხი ახალი ქარხნის ასაშენებლად, რადგან დარწმუნებულები არიან, რომ სესხები იაფი დარჩება. იგივეა მოქალაქეების შემთხვევაშიც, თუ იცით რომ სესხები გარკვეული ხნით იაფი იქნება, შეიძლება სახლი ან მანქანა უფრო ადრე შეიძინოთ, ვიდრე დაელოდოთ. ცენტრალური ბანკია, რომელიც მართავს მოლოდინებს, რათა ეკონომიკა სასურველი მიმართულებით წარმართოს.

photo: maitree rimthong via pexels