პროექტები

„საღი აზრის ეკონომიკა“ პირველად 2005 წელს გამოიცა და დღეს მესამე რედაქციის გამოცემის პროცესშია. აკადემიური ეკონომისტების ჯეიმს გვართნის, რიჩარდ სტროუპის, დვაით ლის, თაუნი ჰანთ ფერარინისა და ჯოზეფ კალჰუნის მიერ დაწერილი წიგნი „საღი აზრის ეკონომიკა“ საბაზრო ეკონომიკის საფუძვლების განმარტებას გთავაზობთ. წიგნის მიზანია მკითხველებს დაეხმაროს გონივრული პერსონალური და პოლიტიკური გადაწყვეტილებების მიღებაში, ეკონომიკური პრინციპების საფუძვლიანად გააზრების გზით.

იმისათვის, რომ წიგნი ჩვენი რეგიონის ყველა მკითხველის მოთხოვნილებას აკმაყოფილებდეს, ის თარგმნილია აზერბაიჯანულ, ალბანურ, ინგლისურ, რუსულ, სომხურ, უზბეკურ, უკრაინულ, ქართულ, ყაზახურ და ყირგიზულ ენებზე. მისი წაკითხვა შესაძლებელია ონლაინ ან უფასოდ ჩამოწერის გზით.

ეკონომიკის ოლიმპიადა ყოველწლიური კონკურსია უმაღლესი სასწავლებლების სტუდენტებისთვის. ოლიმპიადა შემუშავებულია ჩეხეთის რესპუბლიკაში მდებარე ეკონომიკური განათლების ინსტიტუტის (INEV) მიერ. ქვეყნის ფარგლებში ჩატარებული რამდენიმე რაუნდის შემდეგ, გამარჯვებული მონაწილეები საერთაშორისო ფინალში ხვდებიან ერთ-ერთ მონაწილე ქვეყანაში. „EFI“-ის რეგიონული პარტნიორი მართავს და ატარებს კონკურსს სტუდენტებისთვის თავის ქვეყნებში.

„EFI“-ის მულტიმედიური ბიბლიოთეკა მოკლე ვიდეოების და სტატიების უძვირფასესი ნაკრებისგან შედგება. მათში ეკონომიკის ძირითადი საკითხებია განხილული. კატალოგი შემოთავაზებულია შესაბამისი ორგანიზაციების მიერ და ის აბსოლუტურად უფასოა, რაც საშუალებას გვაძლევს ინვესტიციები წარვმართოთ ჩვენი მხარდამჭერების კონტენტის სუბტიტრების შექმნასა და თარგმანზე, ასევე კონტენტის ახალი აუდიტორიებისთვის შეთავაზებაზე.